ChocolateRain祝贺语句好有心思。
迎鸡年，Kelly喺家中贴番几张挥春，当然拣啲特别的，但拣来拣去，都唔及网民咁有创意，有人炮製《星球大战》系列嘅黑武士同尤达大师挥春，佢的仲拎起剑兰、竹同大家拜早年，岩晒一众潮人。
昨天唔少网民share几张疑似以《星球大战》为题嘅图画，原来系出自艺术家迪嘉之手，最受欢迎嘅其中一张，系黑武士手持红色长剑，唔系，系红色剑兰先至岩，呢位黑武士外表好严肃同威武，同手中嘅剑兰相映成趣，网民大讚畀Like。
迪嘉同小妹讲，现时创作紧《Tik Ka From East》嘅系列，想反映港人独有嘅背景，尤其是在殖民地时期长大嘅一辈，想令人知道以前香港社会中西合璧，既有传统中国社会元素，港人系睇西方影视长大嘅，「本土唔止系红白蓝胶袋同菠萝油」，仲话今次呢批作品系灵感一触之作。
咁岩Chocolate Rain日前都推出左贺年系列，祝贺语句好有心思，小妹几锺意「珍惜眼前人」，意义十足！Chocolate Rain创作总监麦雅端同小妹讲，佢预备左一套十二款嘅作品，有图画又有利是封，每日公佈一款，小妹觉得款款都好靓。文章来源：新锦江娱乐：www.xjj365.com
